Kryeministri i Spanjës Pedro Sanchez ka shfrytëzuar rastin gjatë një debati në Kongres për të kërkuar mbështetjen nga partitë e tjera me objektivin e “Lehtësimin e transformimit të ekonomisë në një model tjetër, më të qëndrueshëm”, në përpjekje për t’u marrë me shkatërrimin e shkaktuar nga kriza e koronavirusit.

Udhëheqësi i Partisë Socialiste (PSOE), i cili drejton një qeveri koalicioni me partnerin e ri Unidas Podemos, po fliste sot në dhomën e ulët të parlamentit të Spanjës me një votim për të zgjatur gjendjen e alarmit për një herë të gjashtë dhe të fundit, transmeton portali arbresh.info.

Fuqitë e urgjencës kanë qenë të krijuara që nga 14 mars, me qëllim ndalimin e përhapjes së koronavirusit. Pas një debati të hidhur, Sánchez fitoi votën për të mbajtur gjendjen e alarmit deri në 21 qershor, me 177 vota pro.

Abstenimi i të majtës republikane katalanase (ERC) dhe mbështetja e Partisë Nacionaliste Baske dhe Ciudadanos (Qytetarë) ishte thelbësore për miratimin e legjislacionit.

Sánchez u njoftoi ligjvënësve gjatë seancës se Kabineti javën e ardhshme do të aprovojë një Dekret Mbretëror që do të bashkojë të gjitha masat dhe rregulloret shëndetësore që do të jenë në fuqi ndërsa Spanja del nga kriza, dhe kjo do të zbatohet së bashku me qeveritë rajonale të vendit derisa të vihet në dispozicion një vaksinë kundër sëmundjes Covid-19./arbresh.info/